I ashtuquajturi autoriteti i vjetërsisë, dukuria sipas të cilës më të vjetrit ushtrojnë autoritetin e tyre ndaj rishtarëve me intimidim e propotencë. Është diçka që ndodh në heshtje në shumë sektorë të jetës private dhe ambjente të punës. Dhomat e zhveshjes së një klubi profesionist nuk bën përjashtim. E sidomos në të kaluarën, kur një futbollist i ri kalonte në një klub të ri, shpesh “veteranët” e grupit i impononin ndonjë rit fillestar për t’u bërë pjesë. Kohët e fundit zakonisht këndohet një këngë, përpara ishte shumë më keq, si tregon Daniel Nardiello.
E ajo që rrëfeu Nardiello, ish-sulmuesi uellsian me origjinë të dukshme italiane, ishte e turpshme. Në vitin 1999 ai zbarkoi te Manchester United, ku kishte plot kampionë të mëdhenj. I transferuar nga Ëolverhampton, Nardiello bëri debutimin e tij me Red Devils vetëm dy vjet më vonë, në moshën 19-vjeçare. E historia e uellsianit tani 40-vjeçar i referohet atyre viteve. Duke folur në podcastin Under the Cosh, ai zbuloi ritin e turpshëm të pranimit në dhomat e zhveshjes: “I imi ishte të shtiresha sikur bëja dashuri me një grua imagjinare mbi tavolinë. Disa prej nesh duhej ta bënin këtë. Duhet të përshkruanim edhe vajzën. Ishte e tmerrshme”, zbuloi ai.
GIGGS E SENATORËT E RED DEVILS SI PUBLIK
Skenën e mjerueshme e shihte e gjithë skuadra e Manchester United, duke filluar nga senatorët: “Më pyetën nëse gruaja ishte bionde, brune. Nëse kishte gjoks të madh apo çfarë po i thosha. Isha i kuq nga turpi, ishte e tmerrshme”. Nardiello më pas foli për “audiencën” e tij: “Ishte Giggs dhe David May para të gjithëve. Por unë mund të shihja superyje të tjerë si Keane dhe Beckham. E unë thashë: ‘O Zot, duhet të bëj dashuri me një vajzë imagjinare para gjithë këtyre djemve'”. Sigurisht, për një djalë vetëm 18-vjeç nuk duhet të ketë qenë një përvojë vërtet edukuese…