• |
ide | kryesore

Përdornin lokalet për bixhoz/ Arrestohen dy persona në Cërrik, 5 në kërkim

Arkiva


Dy persona janë arrestuar këtë të enjte në Cërrik. Ato janë prangosur pasi kishin përshtatur lokalet e tyre për organizimin e lojërave të fatit. Gjatë kontrollit në ambientet e këtyre lokaleve, u gjetën dhe u sekuestruan në cilësinë e provës materiale, 2 aparate celulare që përdoreshin për lojëra fati (baste sportive) dhe 250 000 lekë të dyshuara të përfituara nga kjo veprimtari e kundërligjshme. Të dyja lokalet janë bllokuar.

“Shërbimet e Komisariatit të Policisë Cërrik, në bashkëpunim me shërbimet e Forcës së Posaçme “Shqiponja”, bazuar në informacionet e siguruara nga inteligjenca informative, për 2 raste të veprimtarisë së paligjshme të lojërave të fatit, organizuan dhe finalizuan operacionin policor të koduar “Loja e fundit”. Si rezultat i këtij operacioni u arrestuan në flagrancë shtetasit L. K., 37 vjeç dhe E. K., 25 vjeç, të dy banues në Cërrik. Këta 2 shtetas kishin përshtatur lokalet që administronin, për organizimin e veprimtarisë së kundërligjshme të lojërave të fatit.

Gjatë kontrollit në ambientet e këtyre lokaleve, u gjetën dhe u sekuestruan në cilësinë e provës materiale, 2 aparate celulare që përdoreshin për lojëra fati (baste sportive) dhe 250 000 lekë të dyshuara të përfituara nga kjo veprimtari e kundërligjshme.  Në vijim të veprimeve u referuan materialet në Prokurori dhe nisi procedimi në gjendje të lirë për shtetasit P. P., F. D., R. S., F. S. dhe Sh. S. Këta shtetas u kapën në flagrancë gjatë kontrollit nga shërbimet e Policisë, duke vënë baste sportive, në lokalet që administroheshin nga shtetasit e arrestuar.” – njofton policia.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.


Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *