Allianz, sponsor i Juventus, ka dërguar një ankesë zyrtare në klubin bardhezi. Në qendër të saj ka qenë qëndrimi i lojtarëve në gjysmëfinalen e Kupës së Italisë kundër Inter. Kështu, përleshja e ndodhur në fund të ndeshjes Juventus-Inter në Kupën e Italisë vazhdon të bëjë zhurmë. Përveç skualifikimit me 3 ndeshje për Cuadrado dhe mbylljes së Curva Sud për ndeshjen kundër Napolit, tashmë ka një ankesë zyrtare nga një sponsor.
Është pikërisht Allianz, një nga sponsorët e mëdhenj të klubit të Juventus. Zonja e Vjetër dhe gjigandi i sigurimeve nënshkruan një marrëveshje në vitin 2017. Bashkëpunimin më pas e zgjeruan në vitin 2020, mbi bazën e 176 milionë eurove. Ato do të paguhen deri në vitin 2030 për të drejtat e emërtimit të stadiumit dhe forma të tjera sponsorizimi. Allianz, megjithatë, nuk i ka pëlqyer reagimi i lojtarëve bardhezinj në fund të gjysmëfinales së Kupës së Italisë. Mbi të gjitha sherri që u ngrit pas ofendimeve raciste ndaj Lukakut.
Lettera di richiamo alla #Juventus, inerente alla rissa finale di #JuventusInter di #CoppaItalia. Giacomo Campora, ceo di #AllianzItalia, in un video diffuso a dipendenti e agenti, ha infatti preannunciato: “Manderò una lettera ai vertici del club (Juventus) perché non ritengo…
— Juventus Fans (@juventusfans) April 12, 2023
Në video, Campora paralajmëron klubin për një sjellje të tillë dhe thotë: “Unë do t’i dërgoj një letër drejtuesve të lartë të klubit. Sepse nuk e konsideroj absolutisht të pranueshme që lojtarët që mbajnë markën tonë në fanellën e tyre të kenë qëndrime krejtësisht të censurueshme. E për të cilat ne nuk pranojmë asnjë justifikim që lidhet me agonizmin konkurrues”.