Ishte viti 1996 kur shërbimi sekret amerikan, CIA, ai britanik MI6 dhe shërbimi sekret zviceran vendosen kontaktet e para me pjesëtarë të UÇK-së. Ish-presidenti Hashim Thaçi ka qenë aleat i kryeministrit britanik Tony Blair dhe në kontakte të vazhdueshme me të dhe me ministrin e jashtëm Robin Cook, gjatë luftës së Kosovës, ka shkruar studiuesi britanik i çështjeve ushtarake dhe të inteligjencës, Mark Curtis në revistën Declassified UK.
Sipas tij, gjatë vitit 1998, shërbimi amerikan CIA dhe ato britanike dhe gjermane ndihmuan UÇK-në në luftën kundër forcave serbe.
“Në një moment, në fund të vitit 1998, Agjencia e Inteligjencës së Mbrojtjes së SHBA-së iu afrua MI6 me detyrën për të armatosur dhe trajnuar UÇK-në, raportoi gazeta Scotsman. Një burim i lartë ushtarak britanik i tha gazetës: MI6 nënkontraktoi operacionin me dy kompani britanike të sigurisë, të cilat nga ana e tyre iu afruan një numri ish-anëtarësh të regjimentit 22 SAS. Më pas u hartuan listat e armëve dhe pajisjeve të nevojshme për UÇK-në. Operacioni i fshehtë thuhet se u financua nga CIA, ndërsa shërbimi sekret gjerman, (BND), ofroi armë dhe trajnime”, ka shkruar Curtis.
Trajnimi britanik thuhet se ka përfshirë udhëzimin e oficerëve të UÇK-së për taktikat guerile dhe perdorimin e armëve, teknikat e zënies së pritave si dhe kryerjen e operacioneve të mbledhjes së inteligjencës nga pozicionet serbe.
“UÇK-ja sigurisht u tregua e dobishme për planifikuesit anglo-amerikanë. Një muaj pas fillimit të fushatës së bombardimeve të NATO-s, kryeministri Blair tha se UÇK-ja po ka sukses më të madh në terren në Kosovë dhe me të vërtetë ka rimarrë disa pjesë të saj”, ka shkruar ai.
E përshkruar në raportet e mediave si “sytë dhe veshët” e NATO-s në terren në Kosovë, UÇK-ja po përdorte telefona satelitorë për t’i siguruar NATO-s detajet e objektivave serbe, sipas raporteve në mediat britanike.
Një pjesë e këtyre pajisjeve të komunikimit i ishte dorëzuar fshehurazi UÇK-së një javë para fillimit të sulmeve ajrore të NATO-s nga oficerë amerikanë, kashkruar Curtis.
Jo rastesisht pikerisht keto 2 shtete bashke me Gjermanine vazhdojne te jene aleatet me te besueshem ndaj nesh. Bile shume pak kohe me pare, Britania i dergoi ultimatum Vucicit, qe nqs nje ushtar serb kalon kufirin (per ne Kosove) ,kjo gje mund te sjelle edhe sulm ndaj Beogradit. Tani aleateve u takon qe te na ndihmojne, qe UCK mos te njolloset nga ajo gjykata serbo-ruse ,sepse uck eshte ndoshta levizja e vetme clirimtare ne Europe apo bote qe ka bere lufte te paster si loti, pa vrare qofte dhe nje civil serb, e jo me grua apo femije,nderkohe qe edhe levizje ne vendet perendimore si I R A apo E T A , nuk kursenin as femijet e grate