Siç dihet, Milan rrëmbeu kualifikimin për në gjysmëfinal të Champions League. Kuqezinjtë avancuan pas barazimit 1-1 (1-0 në ndeshjen e parë) në kthimin e çerekfinales kundër Napolit. Në fund të ndeshjes, shpërthyen polemikat e napolitanëve. Gjithçka lidhej me një penallti që nuk u akordua në favor të lojtarëve të Spalletti, pas një ndërhyrjeje në zonë të Leao ndaj Lozanos. Në këtë kontekst, duhet parë edhe stuhia e polemikave në rrejtet sociale, që lidhet me postimin e UEFA-s për të vlerësuar portugezin, më pas të fshirë.
Vazhdon të ngjallë polemika episodi që, në minutën e 37′ të ndeshjes, pa protagonistë Leao dhe Lozano. Portugezi bëri një ndërhyrje mjaft të rrezikshme në zonën e rreptësisë për të ndalur kundërshtarin. Pas konsultimit me VAR, arbitri Marciniak vendosi të mos jepte penallti. Kjo situatë, ndezi protestat e napolitanëve (mes tyre edhe të Luciano Spallettit) pas ndeshjes.
Lexo më tej: Video/ Dy penallti të humbura në Maradona, krizë e thellë e Chelsea: Milan e Real në gjysëmfinale
UEFA, POSTIMI I FSHIRË
Sot, UEFA publikoi një postim në profilin e Champions League në Twitter. Një lavdërim për lojtarin e Milan, për ndërhyrjen e tij difensive ndaj anësorit meksikan: “Rafa Leao, mjeshtër në sulm dhe mbrojtje”. Nuk vonoi edhe reagimi i tifozëve të Napolit, të cilët në komentet e tyre kritikuan postimin e organizmit më të lartë europian të futbollit, duke nënvizuar gabimin e arbitrimit. Nga këtu erdhi vendimi (pothuajse i detyruar) i UEFA-s, për të fshirë postimin nga rrjetet sociale.
#Uefa ha cancellato da social il post “#Leao: masterful in attack and defence” dopo le – ovvie – polemiche. Curiosità: l’aggettivo “masterful” (magistrale) è stato utilizzato solo 3 volte nella storia web dal massimo ente calcistico europeo, relativo a #Zidane, #Messi e #Aguero pic.twitter.com/OxHtMLFkNV
— Luca Cerchione (@lucacerchione) April 22, 2023