Alec Baldwin është rikthyer zyrtarisht në setin e filmit “Rust”. Aktori u fotografua vetëm një ditë pasi akuzat për vrasjee të pavullnetshme në lidhje me ndarjen nga jeta të Halyna Hutchins u hodhën poshtë.
Ai kishte veshur një pallto ngjyrë kafe, këmishë gri, pantallona dhe çizme kauboji ndërsa mbante një pushkë. Kostumi i tij përfshinte gjithashtu një kapelë kauboj dhe një shall rreth qafës. Nuk ishte e qartë nëse aktori i “Departed” ishte duke filmuar një skenë – apo thjesht duke mbajtur armen në atë mënyrë në momentin e saktë kur u shkrepën fotot.
Xhirimet e “Rust” u zhvendosën në fermën e filmit Yellowstone në Luginën Paradise të Montanës nga Nju Meksiko, ku Hutchins, ish-kineastja e filmit, ndërroi jetë tragjikisht më 21 tetor 2021. Produksioni fillimisht u ndërpre pasi pistoleta mbështetëse e aktorit qëlloi një plumb të vërtetë, duke vrarë 42-vjeçaren dhe duke plagosur regjisorin Joel Souza. Souza besohet të jetë ndër të paktët anëtarë të ekuipazhit origjinal që kanë mbetur me prodhimin.
Zyra e Prokurorit të Qarkut të Santa Fe njoftoi të enjten e kaluar se po hiqte akuzat kundër Baldwin “pa paragjykime”. Alec mohoi me forcë të kishte tërhequr ndonjëherë këmbëzën dhe u deklarua i pafajshëm në shkurt. Megjithatë, akuzat që u ngritën kundër Hannah Gutierrez-Reed – e bashkëpandehura e Baldwin dhe armatura në skenë në kohën e të shtënave – ende nuk janë pastruar.
Si rezultat, përfshirja e të nominuarit për Oscar në vdeekjen e Hutchins mund të rihetohet ende. “Ne jemi të kënaqur me vendimin për të pushuar çështjen kundër Alec Baldwin dhe inkurajojmë një hetim të duhur mbi faktet dhe rrethanat e këtij aksidenti tragjik,” thanë avokatët e tij Nikas dhe Alex Spiro në një deklaratë për The Post javën e kaluar./Lapsi.al