Raundi i mesjavës së Premier League hapet me suksesin dërrmues të Arsenal në derbin e Londrës. Gunners mposhtin Chelsea 3-1 dhe rikthehet kështu te fitorja pas katër javësh. Një triumf që vlen edhe kryesimin e renditjes, në pritje të City. Dygolëshi i Odegaard (18′ dhe 31′) dhe goli i Gabriel Jesus në minutën e 34′ vendosi ndeshjen në Emirates. Goli i Madueke në pjesën e dytë (65′) nuk i mjaftoi Blues për të dalë me pikë nga derbi.
Derbi i Londrës zgjati vetëm 34 minuta. Në fakt, Arsenal kaloi menjëherë në epërsinë e trefishtë në Emirates. Në fund fitoi 3-1 dhe u kthye te suksesi pas katër ndeshjesh pa fitore. Ylli i padiskutueshëm i ndeshjes ishte Martin Odegaard. Norvegjezi zhbllokoi sfidën në minutën e 18′, pas asistit të Xhakës, me të majtën e mrekullueshme që përfundoi në portë pasi goditi traversën. Stafeta u përsërit edhe në minutën e 31, kur shqiptari shërbeu sërish për xhevahirin e Gunners. Odegaard sërish me të majtën, këtë herë gjeti shtyllën e largët, duke befasuar Kepa. Kaluan tre minuta dhe ndeshja u mbyll. Në konkluzionin e Xhakës, Fofana bllokoi, por Gabriel Jesus e dërgoi topin në rrjetë.
MADUEKE NUK MJAFTON
Një pjesë e parë për t’u harruar për Blues, me Lampard që largoi një Havertz të shuar dhe futi Aubameyang. Thelbi, megjithatë, nuk ndryshoi. I vetmi që vuri në dyshim triumfin e vendasve ishte Madueke, i cili shkurtoi distancën në minutën e 65′. Finale pa vuajtje, megjithatë, për Arsenal, që shkoi pranë pokerit me Xhakën.
Me këtë 3-1, Arteta për momentin ngjitet në vendin e parë me 78 pikë dhe ushtron presion ndaj City. Skuadra e Guardiola është 2 pikë pas, me dy ndeshje më pak. E tashmë ndaj West Hamit në Etihad do të ketë mundësinë të rimarrë epërsinë. Duke marrë parasysh Premier Ligën dhe Ligën e Kampionëve, kjo është humbja e gjashtë radhazi për Chelsea, që është gjithnjë e më në krizë.