Një kitarë e shkatërruar në skenë nga Kurt Cobain do të nxirret në ankand në Nju Jork nga “Julien’s Auctions” më 19 maj. Lideri i grupit Nirvana i dha kitarën e shkatërruar Mark Lanegan në vjeshtën e vitit 1992 gjatë një turneu promocional në Amerikën e Veriut për publikimin e albumit “Nevermind”. Kitara Kitara e zezë me mbrojtës të bardhë është rimontuar, por nuk mund të përdoret më për të luajtur muzikë.
Instrumenti ka një çmim fillestar prej 15 mijë dollarë, por vlerësohet se mund të arrijë në 60-80 mijë dollarë. Kitara është firmosur nga Kurt Cobain, Krist Novoselic dhe Dave Grohl, me mbishkrimin: “Hell-o Mark! Love, Your Pal, Kurdt Kobain / Washed up rockstar” dhe “Love Brother”. Në anën e pasme është gdhendur “Boddah Lives”, që i referohet mikut imagjinar të fëmijërisë së Cobain.
“Kurt Cobain, kur ishte në skenë, ishte një makinë vrasëse. Ai kishte një tërbim që mund ta ndjeje qartë, edhe në mënyrën se si i trajtonte instrumentet e tij. Një instrument që, në një farë mënyre, përcaktoi një epokë kaq të papërpunuar muzikore” – shpjegon një përfaqësues i shtëpisë së famshme të ankandeve.
Në ankand do të dalë edhe një listë dëgjimi e shkruar me dorë nga Kurt Cobain për një koncert të mbajtur në hotelin “Ok” në Seattle në prill 1991. Autografi vlerësohet në 6 mijë dollarë. Në atë koncert, Nirvana luajti një version të “Smells Like Teen Spirit”, vetëm disa muaj para publikimit të këngës dhe disa këngë nga epokali “Nevermind”, albumi i grupit që ka shitur më shumë se 30 milionë kopje.
Artikuj të tjerë në ankand do të jenë një kitarë akustike “Top of the Pops” e nënshkruar nga Beatles dhe Rolling Stones, një xhaketë e New York Yankees e veshur nga Freddie Mercury gjatë shfaqjes së Queen’s Madison Square Garden në 1977. ©LAPSI.al