600 milionë euro të hedhura në kosh e tani një tjetër revolucion bëhet gati të nisë te Chelsea. Klubi londinez, i kthyer nga një sezon katastrofik, do t’ia besojë rikonstruksionin mendjes së teknikut Maurizio Pochettino. Ish-tekniku i Tottenham dhe PSG do të nënshkruajnë me Blues në orët e ardhshme. Argjentinasi megjithatë tashmë e ka të qartë se çfarë të bëjë kur të ulet në pankinë. Në Angli, në fakt, janë të sigurt se Pochettino ka kërkuar tashmë një portier, një mesfushor qendror dhe një qendërsulmues. Emri në krye të listës së dëshirave është ai i Victor Osimhen i Napolit.
Vëzhguesit e Chelsea ishin tashmë në tribuna të dielën në stadiumin UPoëer në Monza për të parë ndeshjen e nigerianit. Numri 9 i teknikut Spalletti, i ndjekur edhe nga PSG, kushton shumë. Kjo nuk duket se përbën problem për arkat e pronarit të Blues, Todd Boehly. De Laurentiis ka vendosur çmimin të paktën 150 milionë euro. E negociatat mund të fillojnë në javët e ardhshme.
Lexo më tej: Mauricio Pochettino kthehet në Premier League: do të sfidojë në derbi ish-skuadrën e tij Tottenham
Pochettino do të vlerësojë edhe situatën e Romelu Lukaku i cili do të kthehet në Londër nga huazimi te Inter. Në këtë rast, grumbullimi do t’i japë mundësinë trajnerit të ri të vendosë nëse do të fokusohet te belgu apo jo. Ai që sheh ti mbyllet dera në fytyrë është Aubameyang, i cili do të duhet të gjejë një ekip të ri. Nuk ka asgjë të qartë mbi të ardhmen e Armando Broja. Shqiptari megjithatë është ende i dëmtuar dhe ndoshta për të Pochettino duhet të vendosë pas përgatitjeve pre-sezonale.
Drawing us level. 🤝#CheNfo pic.twitter.com/RY1cqGd6aY
— Chelsea FC (@ChelseaFC) May 14, 2023