Edicioni i “Eurovision 2023” pati një bujë të madhe, duke u kthyer në finalen më të ndjekur në historinë e festivalit. Bashkë me bujën e madhe, vijnë edhe polemikat, e patjetër, edhe teoritë konspirative.
Suedia dhe Loreen triumfuan me këngën “Tattoo”, teksa u pasua nga Finlanda që rrëmbeu maksimumin e votave të publikut.
Mirëpo, fansat e kompeticionit po akuzojnë festivalin se kanë manipuluar rezultatin për të lejuar Suedinë të fitojë.
Kjo sepse, sipas tyre, organizatorët orkestruan fitoren e Loreen në mënyrë që që jetë Suedia shteti që do ta organizojë vitin e ardhshëm, pasi përkon me 50-vjetorin e fitores së grupit ABBA.