Mund të kishte qenë një sezon i paharrueshëm për një sukses të paimagjinueshëm të Arsenal. E ndërkohë do të jetë i paharrueshëm për mënyrën si Gunners humbën një titull që dukej i kopsitur në fanellat e tyre. Ëndërra e Arsenal u kthye në një tragjedi. Londinezët, dominuesit nga fillimi të kësaj Premier League, lejuan parakalimin e Manchester City. Skuadra e Mikel Arteta gllabëroi një epërsi masive pikësh me paraqitje mediokre. E tekniku nuk mund të bëjë gjë tjetër veçse të kërkojë ndjesë.
Një vetëvrasje futbollistike që ka pak precedentë në futbollin anglez. Rikthimi i pësuar nga Arsenal është diçka e pashpjegueshme, duke pasur parasysh avantazhin e madh që ata kishin ndaj ndjekësve të tyre. Megjithatë, diçka u prish muajin e fundit. Magjia perfekte dështoi dhe filluan telashet për skuadrën e teknikut Arteta. Humbje, barazime dhe Mançester City që nuk reshti së fituari duke parakaluar Gunners. Shembja në shtëpi në ndeshjen e fundit kundër Brighton sanksionoi dorëzimin e Arsenal dhe tifozëve të tij.
Lexo më tej: Video/ Arsenal shembet keq 0-3 në Emirates: Brighton i dorëzon titullin Manchester City
FJALËT E DËSHPËRUARA TË TEKNIKUT ARTETA
Humbja e pësuar ndaj skuadrës së De Zerbi shuajti çdo flakë shprese për të rikuperuar Manchester City e spanjollit Guardiola. Ëndërra për fitoren në Premier League u mbyll në mënyrën më të keqe. E tani, trajneri Mikel Arteta u kërkoi falje tifozëve: “Duhet të kërkojmë falje për atë që ndodhi në pjesën e dytë. Duhet të jetojmë me emocionet që ndjejmë tani. E për ndeshjen tjetrën do të kemi nevojë për një ritëm dhe një cilësi tjetër”. Dorëzimi është afër, ëndrra e Arsenalit nuk ka dyshim që është shkatërruar.
💬 “We have to live with the emotion that we have right now that we fell short and it wasn’t good enough. We’re going to have to use that to play the next game at a very different pace and quality.”
Mikel has apologised for yesterday’s defeat 👇
— Arsenal (@Arsenal) May 15, 2023