Tani është zyrtare: Imola F1 GP, i planifikuar për në fundjavë, është anuluar për shkak të përmbytjeve që goditën Emilia-Romagna. Njoftimin e ka bërë presidenti i Aci, Angelo Sticchi Damiani. “Anulimi i Imola GP është vendosur. 99% do të rikuperohet në 2026, pas zgjatjes së kontratës,” tha ai për Lapresse. Menjëherë pas kësaj mbërriti njoftimi për shtyp nga F1, që konfirmoi anulimin.
Fillimisht u mendua – sipas asaj që mësohet nga burime organizative – të anuloheshin garat e formulave minore, F2, F3 dhe Porsche. Por në fund organizatorët zgjodhën anulimin edhe të kategorisë mbretëreshë për arsye publike dhe mos të mos rënduar më tej emergjencën. Kamionët e skuadrave duhej ende të arrinin në cirkuit për të sjellë materiale të reja. Ferrari mbeti në Maranello i paaftë për të arritur në cirkuit për shkak të rrugëve të përmbytura. Është planifikuar edhe një mbledhje fondesh për zonat e prekura nga përmbytjet.
KOMUNIKATA E FORMULA 1
Pas njoftimit të Sticchi Damiani, edhe F1 zyrtarizoi anulimin e Imola GP duke lëshuar një njoftim për shtyp. “Komuniteti i F1 dëshiron të shprehë afërsinë e tij me popullsinë dhe komunitetet e prekura nga ngjarjet e fundit në Emilia-Romagna. Ne gjithashtu i tregojmë respekt të gjithë punonjësve të shpëtimit që po bëjnë gjithçka në fuqinë e tyre në këtë kohë nevoje”. “Pas bisedimeve me presidentin e FIA-s, ministrat kompetentë, presidentin e Rajonit, ACI, kryebashkiakun dhe organizatorët, u mor vendimi për mos mbajtjen e Grand Prix”, thuhet në njoftimin zyrtar. “Vendimi është marrë për shkak të pamundësisë së kushteve të sigurisë për tifozët, ekipet dhe stafin tonë. Është gjëja e duhur për t’u bërë, duke marrë parasysh situatën e rajonit. Vendimi – njofton F1 në profilin në Tëitter – është marrë për sigurinë e tifozëve dhe ekipeve. Nuk është e drejtë të shkaktohet presion i mëtejshëm mbi autoritetet lokale dhe forcat e përfshira në emergjencë”.
The decision has been taken not to proceed with the Grand Prix weekend in Imola#EmiliaRomagnaGP #F1 pic.twitter.com/4taauGnFEA
— Formula 1 (@F1) May 17, 2023