• |
ide | kryesore

Bylis tifoz me Laçin për të shpëtuar në javën e fundit: Erzeni dridhet, e shpëton vetëm fitorja në Kukës

-Instant, Sport
bylis



Të gjithë ende në lojë matematikisht. Por nëse për Kastriotin duhet një mrekulli, Bylis e Erzeni e luajnë ende gjithcka vetë. Me dy javë të mbetura, duhet shfrytëzuar çdo mundësi. Edhe kalendari, që në javën e fundit ndoshta mund t’i dhurojë papritur ndonjë skuadër të dalë nga objektivat.

Pikërisht në këtë pikë shpreson shumë Bylis, që ka një sprint final zjarri, që mund të përfundojë i moderuar. Është e kotë të thuhet se, në fushë, të dy skuadrat do të japin maksimumin për të marrë pikë të rëndësishme. Bylis e di mirë se përballja me Tiranën në transfertë është ndeshja më e vështirë e mundshme. Atëherë, ballshiotët duhet të hedhin një sy nga llogaritë dhe tifozlliku për Laçin është zgjedhja e duhur. Mallakastriotët edhe nëse dalin të mundur nga përballja me bardheblutë janë në lojë për javën e fundit, gjithnjë nëse Erzeni nuk fiton në Kukës.

E në këtë pikë vlen dëshira që Laçi të fitojë ndeshjen në Loro Borici me Vllazninë, në mënyrë që shkodranët të dalin nga objektivi. Të kaluar me shumë mundësi nga kurbinasit por edhe Teuta, në ndeshjen që mbyll kampionatin, në Ballsh kundër Bylis kuqeblutë do të ishin pa motiv. E atëherë parakalimi mund të bëhej, duke rrëzuar Erzenin dhe duke shkuar skuadra e Shensoit në playout. Shijakasit në ndeshjen e fundit do të luajnë kundër Tiranës, që do të ketë nevojë për fitore për të mbajtur pas Partizanin e për tu shpallur kampion. Nëse ballshiotët (41) marrin fitoren në ndeshjen e fundit, Erzenit (39) nuk i bën punë barazimi me Kukësin apo Tiranën. Shijakasit janë mundur dy herë dhe kanë barazuar dy në ndeshjet direkte me Bylis, që do të merrte më të mirën në rast të pikëve të barabarta.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *