Spalletti-Napoli lamtumira e gjatë. Pas darkës së ditëve të fundit me presidentin De Laurentiis dhe misterit që pasoi, fjalët e trajnerit të dielën mbyllën çdo dritare të mundshme për vazhdimin e lidhjes. Siç raporton Il Mattino, nuk do të ketë takime të tjera mes të dyve. AdL ka vendosur që nëse Spalletti dëshiron të qëndrojë një vit pushim do ta lërë të shkojë, pa peshuar rinovimin automatik të kontratës. Por nëse ai dëshiron të shkojë në një klub tjetër, ai duhet të negociojë me napolitanët për të marrë dritën jeshile. Në pritje të lamtumirës zyrtare të trajnerit, presidenti po punon për të gjetur trajnerin e duhur. Një njeri të aftë për të përballuar një trashëgimi të rëndë si ajo e një titulli të pritur 33 vite. Idea e fundit është ish-trajneri i Spanjës Luis Enrique.
NGA LUCIO TE LUCHO
Luis Enrique është një pasion i vjetër i presidentit dhe ka një profil ndërkombëtar. Me të skuadra do të vazhdonte të luante me skemën 4-3-3, me të cilën Spalletti i udhëhoqi për të dominuar kampionatin. Kështu, vazhdimësia teknike do të ruhej.
LISTA
Luis Enrique është pjesë e asaj liste të ‘emrave të rëndë’ që presidenti i Napolit po vlerëson këto ditë. Aty përfshihet edhe Simeone, i cili mund të largohet nga Atletico Madrid. Argjentinasi mund të intrigohet nga të qenit trajner i djalit të tij, por cështja është se paguhet si askush tjetër në botë. Antonio Conte, me të cilin marrëdhëniet kanë qenë gjithmonë të përzemërta, është një i preferuar, ashtu si Julian Nagelsmann. Gjermani është nën kontratë me Bayern, që do të donte 10 milionë për ta lënë të lirë.
“ITALIANËT”
Një emër që është kontaktuar tashmë në të kaluarën dhe që mund të rikthehet në modë është ai i Gian Piero Gasperini. Ardhja e trajnerit të Atalantës, do të nënkuptonte braktisjen e 4-3-3. Mes emrave të shumtë në bllokun e shënimeve të De Laurentiis është padyshim edhe Vincenzo Italiano. Tekniku e udhëhoqi Fiorentinën në finalen e dyfishtë të Kupës së Italisë dhe Ligës së Konferencës. E nga pikëpamja taktike do t’i lejonte të ruanin 4-3-3 e përdorur këtë sezon.