Humbja ndaj Empolit praktikisht i zeroi shanset e Juventus për të hyrë në Champions League të ardhshëm. E tani ka nisur edhe gjuetia për fajtorin në rrjetet sociale. Në shënjestër Angel Di Maria i cili, i sulmuar ashpër, iu përgjigj në të njëjtën mënyrë akuzuesit të tij. “Ik nga Torino. Ti Paredes dhe të gjithë mercenarët që nuk e dinë se çfarë do të thotë të kesh fanellën e Juventus”, ishte postimi (i pastruar nga disa ofendime) që shkaktoi reagimin e Fideos: “Ai që nuk e meriton fanellën e Juventus je ti. Sepse skuadra dhe lojtarët në pankinë janë me Juven 100% deri në fund. Kjo që po bën ti është të tregosh që je me Juventus vetëm në të mirë dhe jo në të keq.Të dërgoj një përshëndetje të madhe . Unë deri në fund. Jo si ty”.
PËRGJIGJA PËR TIFOZIN
REPLIKON EDHE GRUAJA E FIDEO: “NUK ËSHTË AI TRAJNERI”
Pas përplasjes mes tifozit të Juventus dhe Angel Di Maria, edhe gruaja e lojtarit, Jorgelina Cardoso, ka replikuar në rrjetet sociale në spanjisht: “Nuk është ai që përgatit ekipin, nuk është ai trajneri, nuk është ai që preferon të presë prapa. Hesht, je budalla apo po paguhesh për ta bërë këtë?”.
