Kate Middleton refuzoi të thyente protokollin për një grup nxënësish që kërkonin autografin e saj.
Thuhet se Princesha e Uellsit refuzoi me mirësjellje kur të rinjtë kërkuan firmën e saj ndërsa bënin një vizitë në shfaqjen e luleve të Chelsea për piknikun inaugurues të fëmijëve në Londër të hënën. “Emri im është Katerina. Nuk më lejohet të shkruaj nënshkrimin tim, është një nga ato rregulla,” u dëgjua duke thënë ajo, kur një fëmijë pyeti pse nuk do të nënshkruante.
Megjithatë, Kate nuk i la të zhgënjyer plotësisht nxënësitdhe në vend të kësaj krijoi disa vizatime të këndshme për ta. “Nuk mund ta shkruaj emrin tim, por mund të vizatoj,” u shpjegoi Middleton fëmijëve. Më pas ajo vazhdoi të skiconte një lule për një vajzë 7-vjeçare të quajtur Ruby, një pemë për një student tjetër dhe një pellg të rrethuar me bimë për një fëmijë të tretë.
Anëtarët e familjes mbretërore nuk lejohen të japin autografe për fansat për të parandaluar rrezikun e falsifikimit, sipas Daily Express, dhe rregulli mbretëror ka qenë prej vitesh. Por monarku 74-vjeçar theu protokollin në vitin 2010 kur nënshkroi një autograf për një viktimë të përmbytjeve , duke shkruar, “Charles 2010 .” Që atëherë ai nuk e ka thyer protokollin. Ndërsa nëshkrimi është i ndaluar, atyre u lejohet të bëjnë selfie me admiruesit./Lapsi.al