Hajdutë me kapuç kanë hyrë në shtëpinë e Justin Kluivert në Valencia dhe rrahën partneren e tij, duke u larguar me një plaçkë të rëndësishme. Një episod i shëmtuar që ka tronditur ish-futbollistin e Romës. Pasditen e së mërkurës, ndërsa sulmuesi ishte larguar me Valencian për transfertën e Mallorca, hajdutët sulmuan partneren e tij jashtë shtëpisë së tyre.
Gruaja ishte duke ecur me qenin e saj kur banditët e sulmuan dhe e intimiduan. Më pas ata hynë në shtëpinë e futbollistit dhe vodhën para dhe bizhuteri me vlerë rreth 160 mijë euro, sipas vlerësimeve të policisë. Partnerja e lojtarit ka pësuar lëndime të lehta. Ka qenë ajo që ka thirrur forcat e sigurisë kur hajdutët dolën nga shtëpia.
Justin Kluivert's house was robbed by hooded men ahead of Mallorca-Valencia when the player is away. They beat his girlfriend and learned where the valuables were in the house, stealing jewelry worth around €200.000. pic.twitter.com/1WW8WmbnYu
— Football Talk (@FootballTalkHQ) May 25, 2023
Pavarësisht traumës së rëndë të pësuar në familje, ish-lojtari i Romës dhe Ajax ka vendosur të mos kthehet menjëherë në Valencia. Holandezi ka qëndruar me skuadrën në Mallorca, në funksion të një ndeshje vendimtare për shpëtimin. Kluivert nuk është lojtari i parë i Valencia që pëson një vjedhje në shtëpi. Para tij, të njëjtin fat e kishin edhe Castillejo dhe Mustafi. Madje për ish-mbrojtësin e Sampdorias ishte një vjedhje me vlerë rreth një milion euro.