Pas vdekjes së Tina Turner në moshën 83-vjeçare, Beyonce u fut sërish në “listën e zezë” të fansave.
Një pjesë e madhe e audiencës së Turner vunë në shënjestër Beyonce dhe Jay Z , për këngën e tyre të vitit 2013 “Drunk in Love” dhe disa tekste që tallnin abuzimin e artistes së ndjerë nga ish-bashkëshorti i saj, Ike.
Pavarësisht kësaj, Beyoncé i bëri homazhe ‘mbretëreshës’ së rock and roll-it, duke e ndalur koncertin e saj në Paris për të thënë: ‘Dua që të bërtasësh, të ndjesh dashurinë e publikut’.
Video e atij momenti po bën xhiron e rrjetit.
Fansat e këngëtares e kanë kritikuar çiftin për tekstet të cilat i referohen marrëdhënies abuzive të yllit të ndjerë me ish-bashkëshortin e saj, Ike Turner.
Tina Turner, e lindur si Anna May Bullock, vdiq në moshën 83-vjeçare në shtëpinë e saj në Zvicër. Vdekja e saj ka rindezur debatin mbi portretizimin e përvojave të saj traumatike dhe tekstet e Jay-Z në këngën e diskutueshme janë rishfaqur, me mediat sociale duke e quajtur atë një referencë mosrespektuese dhe përçmuese ndaj abuzimit që pësoi Turner.