Shoferi i mjetit që shkaktoi aksidentin para zyrës së kryeministrit Rishi Sunak është liruar. 43-vjeçari u arrestua të enjten nga policia e Londrës pas një aksidenti me makinë në portat e Downing Street. Por policia tha se rasti nuk po trajtohej si “i lidhur me elemente të terrorit”.
Megjithatë, autoritetet thanë se oficerët kundër-terrorizmit janë përfshirë në hetim. Policia rrethoi zonën përreth Downing Street pasditen e së enjtes pasi një automjet iu afrua portës me shpejtësi. Ata ndaluan shoferin dhe bënë kontrolle të imtësishme në mjet, por edhe në të kaluarën e drejtuesit të mjetit.