Titulli i 33 i fituar në javën e fundit falë fitores në Këln dhe barazimit në shtëpi të Borussia Dortmund, nuk shpëtoi CEO e Bayern Oliver Kahn dhe drejtorin sportit Hasan Salihamidzic. Lajmi i pasdites së sotme është se dy drejtuesit janë shkarkuar. Tashmë është shpallur pasardhësi i Oliver Kahn: Jan-Christian Dreesen. Në mbledhjen e Bordit Mbikëqyrës të caktuar për të martën e ardhshme, më 30 maj, do të bëhet e ditur se kush do të jetë pasardhësi i Salihamidzic. Shumë gabime të dy drejtuesve me keqadministrimin e dhomave të zhveshjes këtë sezon dhe kaosin gjatë ndërrimit të trajnerit me Nagelsmann, të zëvendësuar nga Tuchel. Peshuan edhe zgjedhjet e tregut dhe dështimi në Champions League dhe në Kupën e Gjermanisë.
Merkato e dështuar
Jann-Fiete Arp, Alvaro Odriozola, Michael Cuisance, Philippe Coutinho, Tanguy Nianzou dhe Bouna Sarr ishin shembuj të dështimeve reale të transfertave. Sigurisht që jo të gjitha transferimet shkojnë mirë është pjesë e lojës, por asgjë nuk falet te Mynih. Fakti që Bayern ka shtatë mbrojtës krahu dhe as edhe një qendërsulmues të klasit botëror ka shkaktuar shumë polemika. Për më tepër, Sadio Mané ishte shumë larg pritshmërive të tij.
Sukseset e Kahn
Oliver Kahn u emërua në bordin e drejtorëve të FC Bayern München AG më 1 janar 2020. Më 1 korrik 2021, ai mori detyrën e CEO. Gjatë kohës së tij si anëtar i bordit, FC Bayern fitoi një Champions, Superkupën Evropiane, Kampionatin Gjerman dy herë, Kupën e Gjermanisë dhe Superkupën e Gjermanisë. Pas marrjes së detyrës si CEO nga Karl-Heinz Rummenigge, klubi fitoi kampionatin dhe Superkupën dy herë të tjera. Para kësaj, Kahn ishte portier dhe kapiten i Bayern nga viti 1994 deri në 2008 dhe fitoi Champions, Kupën Ndërkontinentale, Kupën UEFA, kampionatin gjerman tetë herë dhe Kupën DFB dhe Kupën e Ligës DFL gjashtë herë.
Hasan Salihamidzic, përgjegjës i trasferimeve të Bayern
Një vështrim prapa: më 31 korrik 2017, 46-vjeçari boshnjak u emërua drejtor sportiv. Nën drejtimin e tij, klubi arriti vetëm një tepricë transferimi prej rreth 70 milionë euro në sezonin 2018/19. Nëse ai është vlerësuar për disa transferime, ka pasur edhe vendime të dyshimta. Në verën e vitit 2019, Salihamidzic thuhet se investoi 80 milionë euro në transferimin e Lucas Hernández, i ardhur nga Atlético Madrid. Megjithatë, duhet theksuar se Bayern me Salihamidzic fitoi një Champions League në Lisbonë kundër PSG.
FC Bayern Aufsichtsrat: Trennung von Oliver Kahn und Hasan Salihamidžić – Jan-Christian Dreesen neuer Vorstandsvorsitzender.
— FC Bayern München (@FCBayern) May 27, 2023
REAGIMET E DY DREJTUESVE PAS SHKARKIMIT
Kahn: “E pabesueshme. Urime dhe përgëzime djemve, ju kam thënë gjithmonë të jepni gjithçka dhe mos u dorëzoni kurrë. Jam krenar për ju dhe për këtë rezultat. Do të doja të festoja me ju por nuk munda sepse mu ndalua. Ishte dita më e keqe e jetës sime, ndalimi për të festuar me djemtë”.
Salihamidzic: “Jam krenar që kam pasur përgjegjësi sportive për Bayern prej gati gjashtë vjetësh. Ka qenë një rrugëtim i madh që do të kisha dashur ta vazhdoja. Por respektoj vendimin e bordit mbikëqyrës. Bayern është mbi të gjitha”.