E gjithë vëmendja këtë të diel është përqendruar tek raundi i dytë i zgjedhjeve presidenciale në Turqi. Mediat turke kanë raportuar zhvillime të shumta nga ajo po ndodh atje, por ka tërhequr vëmendjen një incident në qytetin e İskenderun.
Në shkollën e mesme “Fatih Sulltan Mehmet Imam Hatip” është ndërprerë procesi i votimit për pak minuta për një arsye të pazakontë. Shkak është bërë dalja e një miu në qendrën e votimit. Kjo ka bërë që shumë prej komisionerëve dhe të pranishmëve të alarmoheshin.
Disa nga zonjat u ngjitën mbi tavolina ndërsa disa të rinj përpiqeshin të neutralizonin miun. Të tjerë shpërthyen në të qeshura nga e gjithë kjo situatë. Votimi u pezullua për pak kohë derisa miu u largua. Më pas votimi iu kthye normalitetit, por pamjet kanë bërë xhiron e mediave sociale. ©LAPSI.al