• |
ide | kryesore

Pasuri të vëna nga krimi, 13 mln euro asete të sekuestruara në Vlorë

-Instant, Arkiva, Lajme, Të fundit



Prokuroria Vlorë sekuestron 13 milionë euro asete në një vit, teksa janë dërguar për gjykim 7 procedime penale me 8 të pandehur.

Lufta kundër pastrimit të parave dhe goditja e krimit të organizuar, trafikimit dhe korrupsionit nëpërmjet masave parandaluese kundër pasurisë, është në fokus të punës së Prokurorive të Juridiksionit të Përgjithshëm.

Vetëm gjatë vitit të fundit, nga Prokuroria pranë Gjykatës së Shkallës së Parë të Juridiksionit të Përgjithshëm Vlorë, janë sekuestruar pasuri në vlerën 13 milionë euro.

Sipas të dhënave, shuma totale vjen nga sekuestrot preventive të vendosura mbi 33 pasuri të paluajtshme në total në vitin 2022. Pasuritë e sekuestruara janë kryesisht prona të paluajtshme, apartamente, toka, ullishte, dyqane si dhe llogari bankare.

Në lidhje me veprën penale të “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal, për vitin 2022 rezulton të jenë regjistruar 32 procedime penale dhe 21 hetime pasurore.

Ndërsa janë dërguar për gjykim 7 procedime penale me 8 të pandehur.



2 Comments

  1. Te gjitha ndertimet ne vlore vijne nga asete kriminale, droge emigracion prostitucion, i bie te prishesh gjithe lungomaren deri ne orikum,…..prandaj vlonjatet me vlera te larta sociale dhe morale votojne mavi ne krye te heres

    1. Sekuestrohen se nuk kanë kontribuar për blerjen e votës. Nëse ka shumë të tilla, ndërhyrja bëhet me bisturi dhe me kujdes.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *