Inter e mbyll kampionatin me fitoren 1-0 ndaj Torinos, mënyra më e mirë për të shkuar në takimin me historinë të shtunën e ardhshme. Tani mendja është e gjitha në finalen e Champions League kundër Manchester City, që fitoi sot FA Cup e në Stamboll ëndërron një tripletë historike. Ndeshja në Olimpico Grande Torino u vendos nga një goditje me të majtën në hyrje të zonës nga Brozovic, që befasoi Milinkoviç-Savic në minutën e 37′. Në pjesën e dytë Handanovic (ndaj Karamoh) dhe Cordaz (mrekulli ndaj Sanabria) shpëtuan rezultatin. Ndërsa shtylla i mohoi boshnjakut Dzeko dyfishimin (80′). Për Toron, vetëm vendi i tetë dhe shpresat evropiane të zhdukura përfundimisht.
Interi kthehet në shtëpi me “plaçkë” të plotë nga Torino dhe tani mund të synojë Stambollin me një vend të tretë të sigurt në kampionat. Zikaltrit kanë tashmë edhe sigurinë e pozicionimit para Milan në renditjen e Serie A. Toro shpenzoi një mundësi të madhe dhe përshëndet kampionatin pa mundur të fitojë edhe një herë në stadiumin e vet. Juric i mungon suksesi në shtëpi që prej 6 marsit, por këtë herë dhemb vërtetë, sepse para granatave ishte parashikuar një situatë që ishte ndoshta më unike se e rrallë. Në fund, fitoi Inter me golin e Brozovic në pjesën e parë. Për Torinon, lamtumirë vendi i tetë dhe rrjedhimisht lamtumirë ëndrrës europiane.