Milani e përfundoi kampionatin duke mposhtur Veronën 3-1, por në fishkëllimën e fundit, të gjithë sytë ishin mbi Zlatan Ibrahimovic. Sulmuesi suedez, i emocionuar që para ndeshjes nga homazhi i sektorit Curva Sud, i tha lamtumirë futbollit të luajtur nën duartrokitjet dhe koret e tifozëve të Milan: “Ka ardhur koha për t’i thënë lamtumirë futbollit, por jo Milan. Më pritët krahëhapur dhe do të jem milanist për gjithë jetën”.
IBRA I JEP LAMTUMIRËN FUTBOLLIT
“Ka ardhur koha për t’i thënë lamtumirë futbollit, jo Milanit”. Kështu Zlatan Ibrahimovic i dha fund karrierës së tij si futbollist i përbërë nga 988 ndeshje dhe 573 gola në të gjitha garat.
San Siro’s final tribute to 𝙕𝙡𝙖𝙩𝙖𝙣 𝙄𝙗𝙧𝙖𝙝𝙞𝙢𝙤𝙫𝙞𝙘́ 🌟#SempreMilan pic.twitter.com/9XTYZ0QtNt
— AC Milan (@acmilan) June 5, 2023
FJALËT E FALENDERIMIT TË IBRAHIMOVIC: “MILANIST PËRJETË”
“Nuk mund të marr frymë, por ska gjë. Kam shumë kujtime dhe emocione brenda këtij stadiumi”. Ibrahimovic më pas iu drejtua tifozëve të Veronës që po e fishkëllenin: “Fishkëlleni, fishkëlleni, ky është momenti më i mirë i vitit tuaj”.
Lexo më tej: Lamtumirë Milan, Ibrahimovic e mbyll me kuqezinjtë i dëmtuar: ceremonia në San Siro pas Veronës
HYRJA NË FUSHË ME TAPET TË KUQ
Dukshëm i prekur, Zlatan Ibrahimovic hyri në fushë duke ecur në një tapet të kuq duke trokitur dorën me të gjithë shokët e skuadrës dhe stafin e klubit të AC Milan. Një lamtumirë pas një totali prej 163 paraqitjeve dhe 93 golave. Për ta respektuar, të gjithë shokët e skuadrës kanë firmosur me autografe fanella me numërn 11.
“Herën e parë që erdha te Milan më dhatë lumturinë, herën e dytë më dhuruat dashuri. Falënderoj familjen time për durimin e tyre, pastaj familjen e dytë ose më saktë lojtarët dhe trajnerin me stafin e tij. Faleminderit edhe drejtuesve për mundësinë që më keni dhënë. Gjithashtu falënderoj nga zemra ju tifozët që më keni pritur krahëhapur. Do të jem tifoz i Milan për gjithë jetën.”