Një 54-vjeçar shqiptar ka rënë në prangat e policisë greke, pasi akuzohet për trafik droge. Shqiptari u arrestua në Glyfada, ndërsa kërkohej me urdhër-arresti evropian si anëtar drejtues i një organizate kriminale.
Siç njofton Ministria e Financave, organizata kriminale në fjalë trafikonte çdo ditë, nëpërmjet një sistemi bankar “të nëndheshëm” me përdorimin e komunikimeve të koduara, shuma të mëdha parash dhe llogaritet se për një periudhë rreth 10 mujore, nga 250 000 000 euro janë trafikuar.
Nga kontrolli i kryer në banesën e të arrestuarve, janë gjetur dhe sekuestruar shuma parash në kartëmonedha nga vende të ndryshme, mes tyre euro, dollarë amerikanë, dollarë kanadezë, dollarë australianë, zvicerane, franga, lira turke, dirhemë e Emirateve të Bashkuara Arabe dhe Rand i Afrikës së Jugut.
Gjithashtu janë konfiskuar telefona celularë, përfshirë një celular që përdoret për biseda të koduara përmes aplikacioneve speciale, një tabletë, një disk dixhital dhe karta SIM. Drejtoria Operative e S.D.O.E. Attica vijon bashkëpunimin me Autoritetet Holandeze përkatëse dhe me Autoritetet Gjyqësore kompetente të vendit, pasi ka dyshime të arsyeshme për pastrim parash në Greqi nga aktivitete kriminale.