Mahinur Özdemir, e cila bëri zhurmë si deputete në Belgjikë duke mbajtur mbulesën e saj islame, mori Ministrinë e Familjes dhe Çështjeve Sociale.
Mahinur Özdemi, një belgo-turke 40-vjeçare, iu bashkua qeverisë së re të Rexhep Tajip Erdogan. Presidenti i rizgjedhur i Turqisë, i cili u betua të shtunën më 3 qershor per të nisur mandatin e tij të tretë, prezantoi ekipin e tij të ministrave, i cili përfshite vetëm një grua.
Mahinur Özdemir Göktas 40-vjeç, Erdogan i besoi Ministrinë e Familjes dhe Çështjeve Sociale, pasi i kishte besuar në vitin 2019 postin e ambasadores në Algjeri, misioni i saj i parë politik për Turqinë.
Mahinur Özdemir ishte e angazhuar politikisht në Belgjikë, vendi ku ajo lindi në 1982 (babai i saj ishte një shitës ushqimesh në Schaerbeek). Vitet dyzet është me të vërtetë nga Brukseli. Pas diplomimit për shkenca politike në Bruksel, po aty ajo filloi të bënte karierën e saj, duke marrë pjesë në 2006 në zgjedhjet e saj të para komunale në emër të Qendrës Humaniste Demokratike (CDH).
Polemika për gjenocidin armen
Në Belgjikë, Mahinur Özdemir bëri përshtypje duke u betuar si deputete e Brukselit pa hequr shaminë e saj islame. Kjo ishte hera e parë që ndodhte në Belgjikë dhe ndoshta, më në përgjithësi, në Evropë. Para se të largohej nga jeta politike belge për t’iu përkushtuar Turqisë, Mahinur Özdemir ndezi polemika duke refuzuar të njihte gjenocidin armen, duke shkuar aq larg sa të mos nënshkruante një dokument të partisë së vet që përmbante fjalën “gjenocid”. Pas kësaj CDH do t’i kërkonte të largohej.
Megjithatë, pavarësisht stuhisë së shkaktuar në Belgjikë nga kjo polemikë, Mahinur Özdemir e kishte gjetur rrugën e vet. Ajo do zinte vend në spektrin politik turk, duke marrë mbështetjen e AKP-së, partisë së Erdoganit.
Përgatiti Lapsi.al. Burimi “Le soir” Belgjike