Rrugët e Paolo Maldini dhe Milan ndahen sërish, 14 vjet pas herës së parë, kur ai ishte futbollist. Lajmi që ishte në ajër pas përballjes me pronarët e kuqezinjve u zyrtarizua me një deklaratë të klubit. Ajo që ra në sy ishte përcaktimi i lamtumirës së Paolo Maldini me efekt të menjëhershëm. Më saktë nga data e djeshme, 5 qershor 2023. “Përgjegjësitë e tij do t’i caktohen një grupi pune të integruar”. Praktikisht, asnjë zgjidhje konsensuale ndërmjet palëve.
KOMUNIKATA E KLUBIT
AC Milan njofton se Paolo Maldini përfundon mandatin e tij në klub, me efekt nga 5 qershori 2023. E falënderojmë për kontributin e tij ndër vite. Me Milan që u rikthye në Champions League dhe fitoi titullin në sezonin 2021/22. Përgjegjësitë e tij do t’i caktohen një grupi pune të integruar. Grup që do të punojë ngushtë me trajnerin e ekipit të parë, duke i raportuar drejtpërdrejt Administratorit të Deleguar.
Official Statement: @SaraThrige ➡️ https://t.co/rfntXaNF6l
Comunicato Ufficiale: Sara Thrige Andersen ➡️ https://t.co/hghTbsyU8i#FollowTheRossonere #SempreMilan pic.twitter.com/7Z7VawxAeV
— AC Milan (@acmilan) June 6, 2023
PROTESTA PËRPARA SELISË
Pak minuta pas njoftimit për shkarkimin e Paolo Maldini, siç dëshmon edhe fotoja e Milanneës.it, në Casa Milan kanë mbërritur protestat e para të tifozëve. Maldini është një emblemë e kuqezinjve dhe një idhull i tifozëve.
Lexo më tej: Maldini e Massara u përzunë nga Milan: skuadra e tërbuar me presidentin e merkato e bllokuar