“E prisja që do të më thërriste. Që kur u emërua më ka telefonuar dhe kemi folur. Jam shumë i lumtur sepse e prisja prej kohësh”. Armando Sadiku është kthyer të veshë fanellën e kombëtares, gati tre vjet nga hera e fundit. Në konferencën për shtyp në vigjilje të sfidës me Moldavinë, sulmuesi tha se shanset për Europian janë të shumta. “Jam shumë i bindur dhe kam besim – logjikoi Sadiku -. Nuk ka ekipe të dobëta por grupi na lejon ta arrijmë qëllimin. Nëse kemi edhe mbështetjen e tifozëve dhe me Moldavinë e nisim me këmbën e mbarë, e arrijmë qëllimin. Shpresoj ta arrijmë e të jem sërish protagonist”.
RAPORTI ME TEKNIKUN
Autori i vetëm i një goli të Shqipërisë në finalet e një europiani më pas zbuloi mardhënien me trajnerin Sylvinho. “Jam i lumtur dhe e kam vlerësuar teknikun Sylvinho pasi më thirri direkt pas firmës. Më ka treguar se do të jem i rëndësishëm në ekip. Unë do të jem në dispozicion në çdo moment që do të ketë nevojë për mua. Shpresoj ta shpërblej në fushë vlerësimin që ka për mua”.
Në Euro 2016 shkuam me një skuadër të etur për të bërë historinë, tani me një grup plot kualitet: “Të shohësh se ku luajnë të gjithë, është privilegj – tha Sadiku -. Nuk i kemi pasur ndonjëherë. Ne duhet të jemi të vëmendshëm në çdo aksion, që topat që na vijnë t’i shënojmë. Moldavia është ekip i fortë dhe do të rrijë në mbrojtje. Por të mundohemi të shfrytëzojmë rastet sepse e di që do të na furnizojë mesfusha”.
E ARDHMJA TE PARTIZANI?
Në fund e ardhmja, ku Partizani është më shumë se një mundësi për ta kthyer Sadikun në Superiore: “Te Kartagjena kisha 1 vit kontratë. Ata më propozuan të njëjtën kontratë siç e kisha pasi janë kënaqur. U kam kërkuar kohë pasi erdha në Kombëtare dhe pasi të përfundoj këtu, do të vendos. Po shoh sepse kam edhe oferta të tjera dhe në fund do të vendos”.
https://www.youtube.com/watch?v=E1uhEmohirM
Ti shenon per Edi Ramen o felliqesire