• |
ide | kryesore

Burg për familjen e pasur në Britani: Keqtrajtonte shërbëtorët

Arkiva, Lajme, Të fundit
burg


Një gjykatë zvicerane ka dënuar 4 anëtarë të një prej familjeve më të pasura të Britanisë së Madhe me dënime me burg që variojnë nga 4 deri në 4 vjet e gjysmë. Prakash dhe Kamal Hinduja, djali i tyre Ajay dhe gruaja e tij Namrata u shpallën fajtorë për shfrytëzim dhe punësim të paligjshëm.

Gjykata i shpalli të pafajshëm për akuzën e rëndë të trafikimit të qenieve njerëzore. Punëtorët që ata sollën nga India deklaruan se familja i paguante vetëm 7£ për të punuar 18 orë në ditë, më pak se një e dhjeta e shumës së kërkuar sipas ligjit zviceran. Ata pohuan se familja, pasuria e së cilës vlerësohet në rreth 37 miliardë £ i lejonte shumë rrallë të largoheshin nga shtëpia e vendosur në lagjen e pasur të Gjenevës, Këlni.

Gjatë gjyqit, prokurorët pretenduan se familja shpenzonte më shumë për qenin sesa për shërbëtorët e tyre. Hindujat e moshuar, të dy mbi 70 vjeç, nuk kanë marrë pjesë në procedurat gjyqësore, duke u deklaruar se ishin keq nga ana shëndetësore. Ajay dhe Namrata ishin të pranishëm, por nuk qëndruan në sallë për të dëgjuar vendimin.

Avokati i tyre mbrojtës tha se ata do të apelojnë vendimin. Prokurori i Gjenevës ka kërkuar ndalimin e menjëhershëm të tyre. Kjo nuk është hera e parë që Gjeneva, një qendër për organizatat ndërkombëtare, dhe për të pasurit e botës, ka qenë në qendër të vëmendjes për keqtrajtimin e shërbëtorëve.

Vitin e kaluar, 4 punëtorë shtëpiakë nga Filipinet ngritën një çështje kundër një prej misioneve diplomatike të Gjenevës në Kombet e Bashkuara, duke pretenduar se nuk ishin paguar për vite me radhë. Familja Hinduja zotëron “Hinduja Group”, një grup shumëkombësh me interesa në naftë, gaz dhe banka. Familja gjithashtu zotëron hotelin Raffles në Londër. ©LAPSI.al


5 Comments

  1. Indianët shquhen për kështu gjërash, mos u nerrni me ta.

    Në fakt më therëse ishte ajo tjetra:

    “ Vitin e kaluar, 4 punëtorë shtëpiakë nga Filipinet ngritën një çështje kundër një prej misioneve diplomatike të Gjenevës në Kombet e Bashkuara, duke pretenduar se nuk ishin paguar për vite me radhë.”

    1. Kur abuzimin e ben vete shteti, ca mund te presesh nga individet…
      Indianet, Pakistanezet, Bangladeshasit, komplet ajo zona andej jane gjysem njerez gjysem kafshe.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *