Rritet në nivelin më të lartë çmimi i gazit europian mes shqetësimeve të reja gjeopolitike

Çmimi i gazit natyror europian është rritur në nivelin më të lartë këtë vit – për shkak të shqetësimeve të reja gjeopolitike.

Nafta e papërpunuar standarde për dorëzim në një muaj u rrit me mbi 5,7% në 38,78 euro (42,36 dollarë) për megavat orë (MWh) në Amsterdam.

Blogu jozyrtar ushtarak rus Rybar tha se trupat ukrainase kishin kapur pikën e gazit pranë qytetit Sudzha. Pretendimi nuk mund të verifikohet në mënyrë të pavarur. Sulmet e vazhdueshme nga forcat tokësore të Ukrainës në territorin rus kanë trembur tregun.

Luftimet kanë shpërthyer në rajonin kufitar rus, Kursk. Raportet thonë se përleshjet po ndodhin pranë Sudzha, një qytet që shërben si pikë hyrëse për gazin natyror që kalon në Europën Perëndimore përmes tubacioneve ukrainase.

Çmimi i gazit ishte tashmë në rritje që nga fundi i korrikut për shkak të frikës së një konflikti më të gjerë në Lindjen e Mesme dhe ndikimit të mundshëm të furnizimeve nga rajoni.

Pas pushtimit të përgjithshëm të Rusisë në Ukrainë në shkurt 2022, çmimi i gazit natyror u rrit në një nivel rekord prej mbi 300 euro për MWh. Çmimet kanë mbetur relativisht të qëndrueshme ndërmjet 30 dhe 40 euro në muajt e fundit.