Sot ditëlindja e Dr. Florit. Landi i West Side Family, homazh për këngëtarin e ndjerë

I ndjeri Dr. Flori sot më 28 shkurt, do të kishte mbushur 36 vjeç. Ish-pjestari i grupit West Side Family, së bashku me Landin dhe Mirin, do të shndërroheshin në idhujt e adoleshentëve në fund të viteve ’90. Muzika dhe tekstet e krijuara kryesisht nga Floran Kondi, u pëlqyen e u bënë refren i historive të dashurisë së kohës, po aq sa edhe rrëfim i aktualitetit të vështirë që shoqëria kalonte. Dr. Flori bashkëpunoi edhe me këngëtarë të tjerë, duke i dhuruar publikut, disa prej atyre që mund të quhen hite të muzikës shqiptare. Reperi ndërroi jetë nëntorin e vitit 2014 si pasojë e overdozës, ndërsa një prej miqve të tij më të ngushtë, preferoi t’a kujtojë atë sot, me këtë foto.