Prej pak ditësh, Elhaida Dani ka nisur xhirimet e videos së këngës “Im Alive”, me të cilën do të na përfaqësojë në festivalin europian të muzikës. 
Këngëtarja shkodrane dhe stafi i “Provideo” që po realizon klipin, po punojnë intensivisht për të sjellë një video të mirë, për këngën, që po ashtu u punua nga Zapp n’ Chris, në kohë rekord.
Video, siç shihet edhe nga fotot e shkrepura në sheshxhirim, tregon vetëm personazhe femra, që shfqen në vende të ndryshme.
Nga stacioni i zjarrfikëses, tek aksidenti në autostradë apo korridoret e spitalit, janë vetëm vajzat që mbizotërojnë në videon e Elhaida Danit, që me sa duket, do të trajtojë një temë feministe.
Në limitet e kohës, për shkak të incidentit me kompozitorin Aldo Shllaku i cili tërhoqi këngën “Diell”, bordi i Festivalit të RTSH, vendosi të krijojë një këngë të re, duke ruajtur këngëtaren fituese të vendit të parë dhe tekstshkruesin Sokol Marsi. Elhaida Dani bashkëpunoi për këngën “Im Alive” me dyshen e muzikantëve nga Kosova, Zapp n’ Chris. Të hënën më 16 mars, pritet të publikohet video dhe kënga që do të përfaqësojë Shqipërinë në 19 maj, në Vienë, në Eurovision.
Vargje nga teksti “Im Alive”, që me sa duket do të këndohet shqip: