Që në kohën e fushatës, kur fotot me familjen janë pjesë e marketingut politik tashmë, kishim humbur një pamje të kryetarit të Bashkisë së Tiranës si familjar. Ishte dita e verës, të shtunën që na zbuloi të plotë familjen e Bashës. Ai shëtiti dhe ndaloi në disa biznese që prezantonin aktivitetin e tyre në panairin tradicional bashkë me të shoqen Aurela dhe dy vajzat, të madhen Dafina dhe të voglën, Viktoria, që sipas lajmeve të kohës kur ajo u lind iu kushtua fitores së Bashkisë.
