Sekretari i Përgjithshëm i PD, Arben Ristani ironizoi me Rilindjen e PS, duke i quajtur pjesëtarët e saj “rilindjotë”. I pyetur nga gazetarët për audio –përgjimin e Ramës në Shkodër, ai u shpreh: “Partia Demokratike po konstaton që në mënyrë të shumëanshme me shumë makinacione po tentohet manipulimi i zgjedhjeve. Kryerilindjoti dhe kryerilindjotët po mundohen të bëjnë çdo gjë që të fallsifikojnë procesin elektoral dhe të mundohen të fitojnë zgjedhjet në tavolinë pa zgjedhje të lira dhe të ndershme”.