Pas gati një viti punë në studiot e Los Angeles, Rita Ora është thuajse gati për të nxjerrë në treg albumin e dytë. Disku i shumëpritur i 24-vjeçares thuhet se do të jetë totalisht ndryshe nga albumi debutues “Ora”. Prej një jave në radiot britanike ka nisur transmetimin kënga më e re “Poison”, që Rita Ora e këndoi për herë të parë fundjavën e shkuar në koncertin e BBC në Angli. (video më poshtë)
Më herët këtij debutimi, dolën në dritë foto nga seti i xhirimit të videos së këngës “Poison”. Burime nga stafi i këngëtares thanë për “The Mirror” se një nga skenat ishte vërtetë e sikletshme. Rita vraponte drejt kameras e veshur vetëm me të brëndshme dhe nga tundja, rrezikoi t’i dilte në shesh gjoksi.