“Polici i “Portokallisë”: S’më besohet që jam 30 vjeç. Edhe kush, unë?!

Aktori i humorit Florjan Binaj feston sot 30- vjetorin e lindjes. Veç urimeve të shumta nga miqtë e fansat, Polici i Portokallisë ka marrë dhe një urim “live” nga emisioni i Olti Currit në “Top Albania Radio” përmes një telefonate. Flori u shpreh se ende nuk i besohej që është bërë 30 vjeç, ndërkohë që ndihet si një 23-vjeçar. “ Me keni kapur duke paguar gjobat, se edhe unë e shkel ndonjëhere. S’më besohet akoma që jam 30 vjeç. Ndihem si 23-vjeçar. Edhe shkrimi ke torta ime sot do jetë: 30 vjeç! Edhe kush, unë”, u shpreh Binaj. Më tej aktori tha se që kur ishte 27 vjeç dëshironte shumë të kishte një fëmijë. “Doja të kisha një fëmijë por gjithmonë thoja ja sat a mbaroj këtë, ja dhe atë. Dhe kështu i binte të shkoja 60 vjeç. Jam i lumtur që vendosa për vajzën”, tha ai.