Disa mijëra forca policore janë angazhuar të ruajnë ndeshjen e futbollit mes Shqipërisë dhe Izraelit në Elbasan Arena. Masat e larta të sigurisë për këtë ndeshje i kanë dhënë qytetit të Elbasanit pamjen e vendi në shtetrrethim. Në rrugët e qytetit janë parë pak automjete të lëvizin nëpër rrugë. Në hyrje dhe dalje si në akset kryesore sheh forca të shumta të uniformave blu. RENEA, Forcat e Ndërhyrjes së Shpejtë dhe policia lokale e Elbasanit është angazhuar në gadishmëri maksimale. Në tarracat e pallateve janë instaluar snajperë ndërsa pritet që mbi qytet të ngrihen edhe helikopterë.
Policia patrullon vazhdimisht në rrugë dhe rrugica të qytetit. Fotoja më sipër tregon gardhin e uniformave blu përpara stadiumit “Elbasan Arena” duke i dhënë kompleksit sportiv imazhin e një baze sekrete, apo te nje vendi ne lufte.
Vetë policia thotë se nuk ka asnjë sinjal për kërcënim konkret, por tashmë është armatosur deri në dhëmbë duke tejkaluar çdo sens mase. A thua se po luhet ndeshja Izrael – Palestinë…
Masave të marra nga policia shqiptare u shtohen edhe efektivët e sigurisë së Mossad, shërbimit sekret izraelit që shoqëron kombëtaren izraelite. Hoteli ku po qëndron ekipi ruhet ende nga personeli i policisë së shtetit i armatosur rëndë. Mossad i detyoi futbollistët që të mos zbresin as në hollin e hotelit duke bërë që ata të kryejnë ushtrime në katin e 23 të ndërtesës ku janë akomoduar. “Ekipi kombëtar i Izraelit. Kjo është stërvitja e mbajtur me lart se asnjëherë tjetër. Kati 23, Tirana, me një pamje mahnitëse dhe shi” – shkruan ambasada e Izraelit. /lapsi.al/
