Ankaraja reagon për herë të parë për urdhërin që ndalon hyrjen e refugjatëve në SHBA.
Zv.Kryeministri turk Kurtulmus i bëri thirrje Trump-it të rishqyrtojë vendimin, i cili, sipas Kurtulmus, është i motivuar nga islamofobia.
Kurtulmus tha se është “jashtëzakonisht fyese që një vendim i tillë është marrë në një vend si SHBA-të, që njihet si komb me fe dhe grupe të ndryshme etnike”.
Të premten, Trump ka lëshuar një urdhër ekzekutiv, i vlefshëm për 90 ditë, që u ndalon hyrjen në SHBA të gjithë refugjatëve dhe udhëtarëve nga shtatë vende me shumicë myslimane: Irani, Iraku, Libia, Somalia, Sudani, Siria dhe Jemeni.
Trump është shprehur se kjo masë do ta bëjë SHBA-në të sigurtë nga “terroristët radikalë islamikë”.