Pas përfundimit të periudhës dimërore të transferimeve 1 janar-31 janar 2017 (ora 00.00), Sektori i Garave në FSHF ka publikuar të gjithë emrat e futbollistëve të cilët kanë marrë konfirmimin e plotë zyrtar nga sistemi për të luajtur me skuadrat ku dhe janë federuar. Ndërkaq, priten edhe konfirmimet e ITC-së nga Federatat përkatëse ku ka qenë së fundmi futbollisti i federuar (për lojtarët e ardhur nga jashtë), të cilat janë vetëm plotësim dokumentacioni për lojtarin përkatës. Vetëm me ardhjen e ITC (kartonit ndërkombëtar të transferimit) lojtari mund të aktivizohet me skuadrën përkatëse ku ka ardhur. Këto janë konfirmet e fundit për federimet ndërkombëtare për Kategorinë Superiore dhe atë të Parë, ndërsa për Kategorinë e Dytë, ato përfundojnë 5 ditë përpara rifillimit të kampionatit.
