Shqipëri – Itali do të ketë tifozë të veçantë. Në stadium do të jenë edhe arbëreshët e Piana degli Albanesi, në provincën e Palermos, aty ku do të luhet ndeshja.
Janë 6 500 arbëreshë që jetojnë në komunën e vogël. Ata i mbajnë ende të gjalla lidhjet me Shqipërinë. Dhe ndeshjen po e presin, por me paradoksin për të mbështetur të dyja skuadrat.
RAI intervistoi disa prej tyre.
Ne e kemi gjysmën e zemrës për Shqipërinë dhe gjysmën për Italinë, – thotë një vajzë e vogël, nxënëse e institutit Skanderbeg.
Po në shtëpi, mbështesin Italinë apo Shqipërinë? – e pyet gazetari i Rai. Apo që të dy?
Në fakt po, -është përgjigjja (shih videon më poshtë në faqen e lapsi.al).
Një tjetër vogëlush uron të dalë barazim.
Të premten kombëtarja shqiptare do të bëjë një vizitë në institut.
Realisht nuk e dimë për kë të bëjmë tifo, – thotë një nga mësueset.
Piana degli Albanesi është qendra kryesore arbëreshe në Siçili.
Komuna është veshur kuq e zi. Drejtuesit e saj thonë se nuk ka dyshim që tifozeria do të jetë për Shqipërinë.
Komuna do të bëhet e kuqe për këtë ditë, e kuqe për skuadrën shqiptare, e kuq për ngjyrën e flamurit, – shprehet një këshilltar komunal.
Origjina është ajo aty, – thonë disa të moshuar duke treguar flamurin shqiptar, – ne kemi ardhur nga andej.
Ata urojnë një barazim.
Do të jemi në sektorin e miqve bashkë me djemtë arbëresh. Quhen tifozat kuqezi. Do të jemi me ta. Shpresojmë që Shqipëria të fitojë, – shton një i ri.
Ndeshja e fundit mes Italisë dhe Shqipërisë është ajo u luajtur ne Xhenova e fituar 1 – 0 nga italianët. /Lapsi.al