Kolegji Zgjedhor ka përzgjedhur sot trupën gjykuese që do të shqyrtojë kërkesë padinë e partisë “Forca Rinia”, që kërkon anulimin e vendimeve të KQZ për regjistrimin e Partisë Demokratike dhe asaj Republikane për të marrë pjesë në zgjedhje.
Sipas kësaj partie, regjistrimi i këtyre dy subjekteve ishte antiligjor pasi u bë jashtë afateve kohore.
Trupa gjykuese që do të shqyrtojë kërkesë padinë e partisë “Forca Rinia” u përzgjodh sot me short.
Nga ky short, relator i çështjes u zgjodh Sotirqa Lubonja, ndërsa anëtarë të trupës gjyqësore u zgjodhën Artur Malaj, Shkëlqim Mustafa, Tomorr Skreli dhe Astrit Kalaja. /LAPSI.AL/