Ku është zhdukur papritur Ivanka Trump

Nuk del në publik prej një jave vajza e madhe e Presidentit të SHBA-ve Donald Trump. Ivanka Trump u kthye më herët nga Roma duke u tërhequr në jetën private. Mediat amerikane, por jo vetëm kanë vënë në dukej mungesën e saj edhe gjatë debatit të madh që po bëhet për marrëveshjen e klimës. Të njëjtat burime shkruajnë se Ivanka dhe bashkëshorti i saj Jared Kushner mund t’i kthehen biznesit privat. Ajo mban postin e këshilltares së Presidentit, por pas kthimit nga Roma është mbyllur në shtëpinë e saj në Kalorama të Washington në afërsi të vilës së familjes Obama. Ajo ka bërë vetëm një postim në Twitter në orën 21:22 të së premtes në 1 qershor ku shpreh mbështetje për miqtë LGBT. Por ajo u zhduk edhe në konferencën për shtyp të babait të saj kur lajmëroi daljen nga marrëveshja e klimës ku ishin të gjithë të besuarit e tij. Me siguri ajo është kundër këtij vendimi. Sipas saj SHBA nuk mund të dalë kundër botës për një çështje të tillë kaq të rëndësishme për planetin./lapsi.al/