Takimi i sotëm pa bujë i kryetarit të opozitës, Lulzim Basha me presidentin Amerikan, Donald Trump, të rikthen pas në kohë më 26 maj kur u mbajt Samiti i NATO-s, në të cilin Edi Rama tentoi me të gjitha mënyrat për të siguruar një foto me kreun e Shtëpisë së Bardhë, por që nuk ia arriti qëllimit.
Lapsi.al risjell edhe njëherë foto e video nga ai samit, ku shihej përpjekja e vazhdueshme e Edi Ramës për të qenë pranë Trump, për t’u kapur nga kamera dhe aparatet fotografik.
Deklaratat e bëra nga Rama kundër Trump gjatë fushatës elektorale në SHBA, janë ende të freskëta, prandaj kryeministri do të komentohet gjithnjë sa herë flitët për marrëdhënien e tij me presidentin amerikan. Sidoqoftë Rama tha në “Zonë e Lirë” se ishte takuar më Trump në Samitin e NATO-s.
Kreu i PS, Lulzim Basha reagoi lidhur me takim që zhvilloi me Presidentin e Shteteve të Bashkuara të Amerikës, Donald Trump.
Basha deklaroi se takimi me Trump ishte i jashtëzakonshëm. Sipas kryedemokratit, vizioni dhe kauza e tij janë inkurajim për Republikën e Re.
Kryetari i Partisë Demokratike shkruan në Facebook se sapo ka mbyllur një vizitë dy ditore në SHBA, gjatë javës për Zhvillimin e Fuqisë Punëtore.
Nëpërmjet një statusi në Facebook, Basha i shpreh mirënjohje Presidentit Trump dhe SHBA-në për mbështetjen për Shqipërinë dhe shqiptarët.
Lapsi.al njoftoi sot në mëngjes ekskluzivisht që takimi mes Lulzim Bashës dhe Presidentit Donald Trump, do të zhvillohej gjatë paradites, me orën e Shteteve të Bashkuara të Amerikës.
/LAPSI.AL/
