Ka degjeneruar në përdorimin e armëve një konflikt mes dy personave në fshatin Bushat të Vaut të Dejës. Policia tha se arrestoi Zefjan Çuni, 40 vjeç, banues në këtë fshat.
Rreth orës 14:45 ai është konfliktuar me një person tjetër me iniciale Z.Ll. gjithashtu 40-vjeçar.
Sipas policisë Çuni ka qëlluar me armë gjahu në drejtim të automjetit të Z.Ll., por për fat të mirë pa shkaktuar të lënduar. Çështja i kaloi prokurorisë.