Sherri mes vëllezërve për një tokë çoi në nxjerrjen e armëve. Ngjarja ka ndodhur në Tiranë. Policia thotë se ndërhyri në kohë për të parandaluar krimin.
Njoftimi
Shërbimet e Policisë të Komisariatit nr. 1 pas informacionit të marrë për një konflikt midis dy shtetasve, organizuan punën dhe falë reagimit të shpejtë dhe profesional bënë të mundur kapjen dhe arrestimin në flagrancë të shtetasit:
Shkëlqim Suloavdulaj (Luli), 36 vjeç, banues në fshatin Baldushk.
Në fshatin Baldushk shtetasi i mësipërm dyshohet se për motive pronësie është konfliktuar dhe ka kanosur me armë zjarri vëllain e tij shtetasin L.L., 48 vjeç.
Grupi hetimor në vendngjarje ka sekuestruar në cilësinë e provës materiale:
Një armë zjarri tip pistoletë së bashku me një krehër me 6 (gjashtë) fishekë.
Gjithashtu gjatë kontrollit në banesë iu gjetën dhe sekuestruan në cilësinë e provës materiale dhe 18 fishekë luftarakë.
Materialet proceduriale i kaluan Prokurorisë pranë Rrethit Gjyqësor Tiranë për veprat penale “Mbajtja pa leje e armëve dhe municioneve luftarake”, dhe “Kanosja”, parashikuar nga nenet 278 dhe 84 të Kodit Penal.
