Kryeministri Edi Rama është përballur me një surprizë jo të këndshme sot në Orikum, teksa kishte shkuar të hapte sezonin turistik.
Të rinjtë e Forumit Rinor të Partisë Demokratike ngritën një dron me një banderolë drejtuar kryeministrit dhe maxhorancës.
“Mjaft i zgjodhi mafia dhe droga deputetët dhe ministrat. Të zgjedhë ndonjë dhe Populli”.
Banderola mban firmën e Forumit Rinor te PD, i cili po protestonte në të njëjtën orë edhe në Tiranë, tek Ministria e Brendshme, duke kërkuar largimin e ministrit Fatmir Xhafaj.