Që nga momenti i ngritjes së KLP-së dhe zgjedhjes së kryetarit dhe zv/kryetarit të saj, ka nisur numërimi mbrapsht i zgjedhjes së Prokurorit të Përgjithshëm dhe i ngritjes së strukturave të reja të organit të akuzës, ashtu sikurse e parashikon ligji.
Detyra e parë e KLP-së do të jetë hapja e garës për prokuror të përgjithshëm. Ne mbledhjen e zhvilluar, ku u zgjodh Gent Ibrahimi, kryetar, ishte edhe Prokuroria e Përgjithshme e Përkohshme, Arta Marku, e cila drejtoi Mbledhjen e Përgjithshme të Prokurorëve ku u zgjodhën anëtarët aktualë nga radhët e Prokurorisë.
Pas përfundimit të mbledhjes së parë, Marku nuk preferoi të komentonte për mediat nëse do të shpallte kandidaturën për Kryeprokurore tashmë që u ngrit KLP-ja.
“Një kandidaturë tjetër e fortë është edhe Adnan Xholi, i cili edhe pse nuk ka mbaruar magjistraturën ka gradë shkencore në fushën juridike. Në listën e prokurorëve që plotësojnë kriteret janë edhe Besnik Muçi, Sokol Stojani dhe Arben Dollapi. Gara për zgjedhjen e Prokurorit të ri hapet në Janar kur edhe të lëvrohet fondi për këtë institucion të ri”- shkruan Lapsi.al
Nëse Kuvendi nuk e zgjedh dot me tre të pestat brenda 30 ditëve atëherë kandidatura që është renditur e para nga këshilli quhet i emëruar. Prokurori i ri i përhershëm do të kenë mandat 7-vjeçar dhe emrat që do të garojnë duhet së paku të kenë kaluar vettingun, të jenë diplomuar në shkollën e magjistraturës ose të kenë doktoraturë si dhe të kenë 15 vite punë në sistemin e drejtësisë.
nafijjjjjjjjjjjjjjjjjjjjjja qe tund dybekun do te zgjidhet pasi ja mori doren kesaj pune dhe ka shtysin ulsi majen