Dhëndri është vrarë nga njerëzit e nuses në banesën e tyre në Bulqizë, ndërkohë që i plagosur ka mbetur edhe dy persona të tjerë.
Viktima, 40-vjeçari Adriatik Jella, është nga fshati Gjoricë. Ky i fundit një ditë më parë kishte plagosur me thikë kunatin, duke i prerë veshët.
Gjithçka kishte nisur pasi dhëndri i kishte plagosur djalin, pas kërcënimeve të vazhdueshme që u bënte atyre pasi ishte ndarë nga gruaja.
Dhëndri u qëllua me dru pas koke, duke i shkaktuar atij vdekjen.
Kryetari i Komunës deklaroi se Jella e kishte lënë gruan rreth 3 muaj më parë. Çifti kishte 2 fëmijë.
“Ai (Adriatik Jella) kërkonte të merrte sërish gruan. Ata (familja) nuk ia jepnin. Kanë pas konflikte ata” – shprehet kreu i Komunës, i cili shton se kanë qenë edhe fëmijët prezent gjatë sherrit. Sipas tij, fëmijët janë të traumatizuar.