Një shqiptar dhe dy egjiptianë që punojnë si peshkatarë në Nea Makri, janë tashmë qytetarë grekë. Me vetëmohim ata shpëtuan dhjetëra jetë njerëzish nga zjarret vrastare në Mati të Atikës në verën e vitit 2018.
Bëhet fjalë për 35 vjeçarin nga Shqipëria Gani Xheka dhe dy egjiptianet Emad El Khaimi dhe Mahmud Ibrahim Mussa, 50 dhe 46 vjeç.
Të tre peshkatarët kanë shkuar pas mesdite në Pallatin Presidencial, të ftuar nga presidenti grek Prokopis Pavlopulos dhe aty ministri i Brendshëm Aleksis Haritsis u ka dhënë urdhrin me anë të të cilit kanë marrë nënshtetësinë greke.
“Nëpërmjet shembullit tuaj dhe me dhënien e shtetësisë, dërgojmë mesazhe që janë aq të nevojshme sot. Ajo që bëtë tregon se solidariteti dhe humanizmi nuk është një çështje e nënshtetësisë. Ju jeni tani dhe europianë dhe si e tillë, mund të mësoni tek ata partnere qe nuk i kuptojnë vlerat e Evropës, që të kryejnë detyrën e tyre. Sepse themeli i BE është solidariteti”, u shpreh Prokopis Pavlopulos, Presidenti i Greqisë.
C’fare dedikimi idiot, provokues pa sens! A jane mire apo kane rrjedhur greket..??!!
koment pa lidhje fare. Pse qenke dedikim idiot? Kontribuan duke rrezikuar jeten e tyre per te shpetuar te tjeret…duke ju dhene nenshtesine greke presidenti ka bere max ne raport me kompetencat qe ka dhe nuk me duket se ka bere pak, prekundrazi!