Një makinë është djegur orët e para të mëngjesit të sotëm në qytetin e Elbasanit.
Pronari i automjetit (me inicialet E.Zh) është një biznesmen i njohur kryesisht në fushën e ndërtimeve.
Ai e ka konstatuar makinën e djegur në mëngjes, teksa e kishte lënë të parkuar gjatë natës pranë banesës së tij në lagjen “Aqif Pasha”.
Fuoristrada tip Benz me targë AA 009 P.V është djegur plotësisht nga zjarri i vënë.
Kjo është hera e dytë që biznesmenit i djegin makinën.
Policia ka nisur hetimet për zbardhjen e kësaj ngjarje.